Hokkie

Stappe van Prestasie

  • Skool deelname
  • Oos-Transvaal proewe (span word gekies)
  • Interprovinsiaal teen Noord-Transvaal

Oos-Transvaal Hokkie  Oefening

Saterdag, 12 September 2015

Op Saterdag, 12 September 2015 het Gromar weer die geleentheid gehad om ‘n Oos-Transvaal hokkie oefening aan te bied. Al die skole wat deel uitmaak van O/Tvl was hier om saam te oefen en dit was ‘n baie lekker dag. Corne van Zyl van Middelburg het vir ons ‘n oefensessie uitgewerk waar elke speler die kans gegun was om weer hulle vaardighede op te skerp. Corne het aan al die spanne aandag gegee met posisionering en speltaktiek.Ons het die middag ‘n rondomtalie uitspele gehad waar sy en elke afrigter na die span kon kyk en laaste verskuiwings kon maak vir ons komende wedstryd. 

Namens al die leerlinge en afrigters wil ons graag vir Corne bedank vir al haar hulp en raad.  Vir almal wat van ver af gery het, dankie! Spesiaal dankie aan die skool en al die afrigters wat ook hier was om van die dag ‘n sukses te maak. Sonder julle sou niks moontlik gewees het nie.

Sterkte aan almal met ons komende wedstryd teen Noord-Transvaal. Dit gaan plaasvind in Potties op die 24ste September 2105. Ons weet dat dit met elke span sal goed gaan.