Atletiek

Stappe van Prestasie:

  • Huissport
  • Noord-Streek
  • Oos-Transvaal
  • SA’s

CVO Gromar beplan self byeenkomste op interhuisvlak, maar die BCVO-Sportraad reël en koördineer sportaktiwiteite op streeks- en landswye vlak. Sportaktiwiteite sluit die volgende sportsoorte in; rugby, netbal, atletiek, landloop, swem en tennis. Nuwe sportgeriewe by die skool wat ‘n atletiekbaan, rugbyveld en netbalbaan insluit word beplan. Daar word gepoog om aan elke kind die geleentheid te gee om aan sport deel te neem. Hierdie blootstelling gee aan ons leerlinge toegang om op die hoogste vlak deel te neem.

 

HUISSPORT 2017

CVO Gromar en CVO Marmer het Saterdag 21 Januarie hul huissport op die velde van CVO Gromar aangebied. Die dag het besonderse prestasies gelewer met nie minder as 11 baan en 20 veld rekords wat verbeter is.  Die volgende leerlinge het elk twee of meer  rekords gebreek: . Jurien J van Rensburg (o/11) in die 100m , 70m hekkies en gewigstoot, Isma Mallo (o/11) in gewigstoot en turbospies. Christiaan van Wyk (o/15) in die 400m en die 800m,  Lean Vosloo (o/15) in die 100m hekkies en die 200m en Marné de Jager (o/17) breek rekords in diskus en gewigstoot. Baie geluk ook aan al die ander atlete wat die rekords laat spat het.

Die volgende atlete word aangewys as die Victor en Victrix Laudorum vir CVO Gromar.

Victrix Laudorum O/6 tot O/9:                    Zylani Barnard

Victor Laudorum O/10 tot O/13:                Francois Visser

Victrix Laudorum O/10 tot O/13:               Isma Mallo

Victor Laudorum O/14 tot O/16:                Lean Vosloo

Victrix Laudorum O/14 tot O/16:               Melissa Roesch

Victor Laudorum O/17 tot O/19:                WT Stoltz

Victrix Laudorum O/17 tot O/19:               Marné de Jager

Baie geluk aan al die atlete van CVO Gromar met sulke puik prestasies so vroeg in die atletiek seisoen.